الاستبدال والاسترجاع
الموضوع بسيط 🙏
إذا وصلتك الشماسة وما ناسبتك، أو فيها مشكلة، أو حتى غيّرت رأيك، ما بنعقّد عليك الدنيا. هنا نشرح لك بالضبط وش تسوي، وش حقوقك، وكيف نتعامل مع كل حالة.
كل اللي مكتوب هنا يمشي مع نظام التجارة الإلكترونية السعودي. حقك محفوظ.
ضمان أول شماسة علينا 💛
أول طلب لك من شمس؟ ما حسّيت إن الشماسة سوّت فرق في سيارتك؟ عندك خيارين:
- نبدّلها لك بمقاس ثاني يناسب سيارتك و بدون ما تدفع ريال.
- نرجع لك المبلغ كامل
بشروط واضحة:
- الضمان هذا لأول طلب فقط.
- كلّمنا خلال 5 أيام من يوم ما وصلك الطلب.
التبديل 🔄
الحالات اللي نبدّل فيها:
- طلبت مقاس ما ناسب سيارتك؟ نرسل لك اللي يناسبها.
- وصلك شي غير اللي طلبته.
- المنتج فيه عيب واضح من المصنع.
وش نحتاج منك:
- ترسل لنا طلب التبديل خلال 5 أيام من يوم الاستلام.
- الشماسة تكون بحالتها — ما تكون مستخدمة والتغليف موجود.
- ترسل لنا رقم طلبك أو الفاتورة على الواتس أب
الاسترجاع 💸:
- ما تبي الشماسة لأي سبب وكلّمتنا خلال 5 أيام من الاستلام (بشرط ما تكون مستخدمة).
- وصلك منتج تالف أو فيه مشكلة.
- وصلك شي ما طلبته أصلاً.
- تأخّر التوصيل بفارق 5 أيام وأكثر عن المدة المذكورة.
الشروط:
- تقدّم طلب الاسترجاع خلال 3 أيام من تاريخ الاستلام.
- المنتج يكون بحالته الأصلية مع تغليفه (إلا إذا كان فيه عيب).
- ترفق رقم الطلب على الواتس أب
طريقة استرجاع المبلغ:
- نرجع لك المبلغ كحوالة بنكية خلال 5-10 أيام
- نرسل لك تأكيد لما يتم الاسترداد.
مين يدفع الشحن؟
إذا الغلطة منّا (وصلك منتج غير اللي طلبته أو عيب مصنعي) — الشحن كله علينا، رايح وجاي.
إذا بس تبي تغيّر المقاس/تبدل بمنتج ثاني— شحن الإرجاع عليك.
كيف طريقة الاسترجاع والاستبدال؟
ارسل رسالة على الواتساب مع رقم طلبك، صوّر الشماسة، وقول لنا وش المشكلة. نرد عليك خلال ٢٤ ساعة ونرتّب كل شي.